92

Elzeyada nezlet, we elnas nefsaha te3raf ana 7a3mel eh belfloos.

Besara7a keda fakes gamasa we el-ayklam da.
Ana 7a7'od elfloos we atla3 3ala banzenet Mobil elmar3'any we afawell banzeen 92, aiwa 92 omal ento fakreen eh? maho elwa7ed bardo lazem yesref elmabla3' da fi 7aga mofeeda. Msh bs keda dana kaman 7ageeb 3lebet manadeel Fine mo3tarra we a7otaha 3andi 3ala eltablo. We a3od alef b2a fel shaware3 we a7ra2 b2a wel 7arakat di. Mana 7atet 92, ya3ni maba7'fshi men 7ad, we a3od fel 3arbia keda wana kolly seka, elnas ma2amat bardo.

We lessa...

7ate3rafo A7'er Elshahr

A7'er elshahr da elmfrood 7ana7'od el raise bta3 elmoratab elli maw3odeen beh men elsana elli fatet. Msh keda we bas da 7ayb2a be asar rag3y le awel elsana kman, ya3ni 3 shohoor!
We ama geet as2al zomala2y 3an eltawako3at elmar2eya belnesbal elzeyada la2eet elnas motaf2la awe.

La2eet wa7ed by2ooli ana 7a7'od elzeyada we a7'od men omy 50 gneeh we 7aroo7 ageeb el kotshy elli 3ala mazgy, we ama sa2alto howa bekam elkotshy da alli be 350 gneh!

Laken mesh kol elnas 7atgeeb kotshy, fi nas kararet tenazam re7la le gamasa le modet 3 ayam we yegebo m3ahom melaya we yefereshoha odam elbahr.

Fi nas aletly ana 7a7'od elzeyada men hena we atla3 3ala Cook Door we ageeb elcombo elli ba7ebo

Bs ana msh 3ayez Kotshy wala 3ayez aroo7 Gamasa wala nefsy ageeb Combo!

Ana ama a7'od el zeyada 7a....., msh 7a2oloko delwa2ty ama ab2a a7'od elzeyada elawal 7ab2a akteb ana 3amlt beha eh!

Sha7'bat Sha7'abeet

Sa3at bakoon a3ed fe cafe masaln aw 7aga we tela2i ba2a elshabab wel banat a3den bytklmo wala by3mlo ay 7aga. Fi banat babos 3alehom we a3od ata7ada nafsy enni atala3 4 e7'telafat mabenhom we mabeen elaragooz.

Ah maho bykoon weshohom meshalfat 7'ales, betla2y weshohom abyaaaad (sho3'l foundation b2a) we 7'dodhom 7amraaaaa, we 3enhom b2a byb2a lonha nafs lon elesharb we msh law mo7agaba yeb2a nafs lon elshanta, la2 dol mabyhazaroosh fel 7agat di.

Homma leh by3mlo keda? homma fakreen enohom byb2a keda a7la? Tab dool bybosso fel meraia yeegy 3 sa3at abl maynzlo. We 3ala 7ad 3elmi en 3eyoon elbanat betshoof elalwan a7sn men 3yoon elwelad. Ya3ni elwalad a7'erhom elalwan di: a7'dar, asfar, bonni, azra2, a7mar, eswed, abyad. Tegy 3and elbanat matla2eesh a7mar la2, tela2y Pink, nebeety, beej, maron, terkwaz! Laken ezzaher b2a enohom shatreen fel alwan bs do3af fel Meraia

Bs zay mabn2ool el7agat elwe7sha lazem ne2ool el7agat elkewysa, lazem a2ool enohom by3rfo yekonso we ye3'slo we yetbo7'o. Bs law yeb3edo 3an sho3'l elaragozat da!

Happy 75 Gneeh Valentine

Happy !@#$ing Valentine 3ala ra2ey Ahmed Helmy....

Nezelt ana we so7aby 3ashan nakol, fa ro7na Tivoli sadef tab3an enno kan yom el Valentine we kollo me2adeha a7mar fi a7mar we hadaya we balaleen b2a we sho3'l men elre7'ees da.

Elmohem ro7na mat3am balash a2ool 3ala esmo 3ashan may7'srsh elzabayen bs howa awel 7arf menno kan The Noodle House, da7'lna a3dna we shofna 7anakol eeh we nadena elragel 3ashan ne3ml elorder, la2enah by2ollena fi minimum 75 gneeh, tab3an kollena est3'rbna, msh 3ashan en fi minimum 75 gneeh bs 3ashan elmat3am elakl fih re7'ees, ya3ni msln ana law a7'dt shorba we main we pepsi msln msh 7aygebo 70 gneeh.
Olna lelragel weg-het nazarna, fa elragel allena asl elnahrda fi event el Valentine fa fi minimum 3ala kol el foodcourt 75 Gneeh, tab3an e7na maktan3nash, fa oltelo msh manteky 7'ales eni adfa3 aktr men taman elakl 3ala elfady, la2eet elragel rad 3alia rad 3'reeb, alli "Maho 7adretak msh 7atetbst law la2eet 3eyal 3ammala tetnatat 7awaleek" tab3an howa aal elgomla di men hena we ana olt bs ta3alali b2a, radeet 3aleh we oltelo "Eh el3onsoria di, ya3ni enta 3andak elkobar a7sn men eslo3'ar di keda tafre2a we rabena mayrdash belzolm ..." we 7'aleto fi nos ameso.
Elmohem a7'dna ba3dena we omna we kolena agm3na en elragel da 3adeem el7'ebra m3 eno kan by2ool eno howa partner.
Taba3n e7na lessa 3ayzen nakol fa ro7na aklna fi Popeye, mal2enash la minimum wala 7aga bel3aks de7na la2eta ragel labes dabdoba byst2blena we sho3'l re7'ees bardo :P

Nehayto elragel tele3 3'aby we kaddab we matro7oosh 3ndo!

La2 Ahmed da 7aga tania

Kont a3ed mestany eldoor wana 3and el doctor, we kan fi ragel we set we bentohom, bentohom 7awalhy 9 sneen keda. Fi television maftoo7 we gayeb a3'any, kano gaybeen o3'nia bta3t sa3d elso3'yar. Fa la2eet elset bet2ool le gozha "3aref sa3d elso3'yar da, elnas 3amala tentakedo m3 enno bany game3" elmohem we heya bet2ool kelmet game3 di la2eet elra2asa zaharet m3ah fel clip we medayaha haz walla agda3 wez. Bs 3ady ya3ni mahi Fifi Abdo bte3ml ma2edet ra7man fi ramadan, aiwa tab3an maho elra2s da fan wel fan 3omro makan 3eeb. Eli adhashni aktr b2a en bentaha elso3'yara bet2olaha "Ana ba7b Ahmed elsa22a", amet omaha enshaka7et keda we aletlaha "La2 Ahmed da 7aga tania, zoo2, a7'laa2, sakafa, we 3omr ma7ad etgara2 we aal 3aleeh 7aga we7sha" we a3dt temda7 feeh we tala3eto a7sn wa7ed fel 3alam.

Elmoshkela eni kont faker en elgeel elgdeed howa eli bs elli tafeh keda, we en elgeel eli ableen rasy we 3a2el, bs lel2asaf nazrety ma tel3tshi fi ma7alaha. Yatara ama ykono elahl keda elwelad ama yekbaro 7aykoon 3amleen ezzay. We yego fel a7'er we ye2olo 3aleena geel mehabeb

كأس الخاسرين

Kesbna elkas lel marra eltalta 3ala eltawaly we elnas msh mesada2a nafsaha we nezlna fel share3 we hayassna we hopa we hopa ah 4 gowa 3 barra we kalam a7'er gamal.
We ba2et monta7'ab masr le korat elkadam howa da elwatania, weli msh bytfarag mayb2ash watany, elnas betfakar ezzay!? Nefsy a3rf eh elli elsha3b byksabo ama masr teksab? wala 7aga, mat2oleesh ba2a bet-da7'al elfar7a fi olobna we elklam da, ezzay asln ne7'aly le3ba reyada tet7akem fe masha3er elwa7ed! law rakezt shewia 7atla2i fi 2 bs mostafdeen men matchat el kora:

1. Ela3eeba, elgehaz elfanny, we eledara. We dol bystafido 3ashan bya7'do floos.
2. Elseyasa el3olya 3ashan byla2o elsha3b yetlehy fi ay 7aga we mayfkrsh fel masayeb eli bte7sal 7awaleh

Enama enta b2a estafdt eh? wala 7aga. Masr kesbt Masr 7'srt enta 7atefdal enta la 7atzeed wala 7at2el.
Di Propaganda btet3ml 3ashan teb2a 3amla zay el3'emama btet7at 3ala 3een el7omar!

Erken 3ala gamb

" Erken 3ala gamb we ro7'asak"
Elshorta fi 7'edmet elsha3b, we elshorta we elsha3b fi 7'edmet elrayes. Rabena ye7'aliholna yaaa raab.
Bs 7'alena fel Shorta el awal, Awel 7aga neshkor elshortah 3ala elyom elagaza bta3 25/1. 3ayez kman 3eed lel geesh, we 3eed lelba2aleen we 3eed lel 3awatleya.

Elnas di btet3ab we lazem ykonlha esboo3 be7alo agaza, dol homa dol elli by7mona. Bs elfekra eni 3omry mashoft Police bygegry wara 7aramy, bashofhom bs wa2feen fel kameen, 3ashan ya7'do elro7'as aw ya7'do el7asheesh. La2 we tala2eh bywa2afak we yo2lak "Enta raye7 fen?" wenta mal ahlak, maroo7 fi seteen dahya msh ana rayet el7ezam we ro7'asy salema?!. Law we manazerhom btb2a gamda gedan, tela2y elzabet wa2ef keda faredlak tolo we labes elnadara elshams wel sa3a fi edeeh we 3amelak fiha 3antar zamano, m3 eno kan bya7'od 3ala afah fi koleyet elshorta men kam sana. We tab3an tela2ih bysoo2 men 3'er maylbs el7zam we ma3oosh ro7'as we shayel elnemar we mefayem, maho Shorta b2a. Howa fi shorta bte2bod 3ala shorta? ezzay da 7atta 3eeb.
Kefaya keda b2a, law la2etony fatra makatabtesh 7aga yeb2a akeed ro7t wara elshams :)

Om Zaker! Omy Zakry! Omo Zakro!

Elmota7'alfeen byshaga3o Masr we e7na m3ahom, ma7na lazem nkoon m3ahom 3ashan e7na menhom asln.

Elta7'alof msh 7aga we7sha 3ala fekra, bel3aks di bet7'aleek mo7'talef. 3ashan keda e7na 3andena nezam el ta3leem mo7'talef 3an ay 7etta fel 3alam. El3elm msh fel ras la2 da fel korras, welli ye2olak 7aga tania yeb2a 7omar. 3omrak shoft wa7ed masek ras we 3amal ye2ra fiha? akeed la2, bs betshoof nas kteer maska korasa we bte2ra fiha. Yeb2a el3elm fel korras, 3ashan keda ba2a eltollab btoo3 elmadares betla2y kol wa7ed shayel shanta fiha kotob we kararees lelsob7, ya3ni law 7ayhager msh 7ay7'od shanta ad eli wa7'dha m3ah elmadrasa.
We tela2i el3eyal mashia we 3ala dahraha elshanta te7sohom enohom beyez7afo msh bymsho, we tela2i hemoom el donia kolaha 3ala wesho we howa raye7 elsob7, we teb2a wa23eto soda law msh 3amel elwageb, m3 en elwageb kan sahl yadoob 48 so2al ya3ni.

Da 3'er ba2a law nessi elkorasa walla msh labes sharab lono abyad. Bs kol da koom we elmanhag koom tani
Manhag ebn meet kalb (Excuse My French!) tela2i el3ayel 3ando 16 sana we bya7'od fezya we kemia we 3arby we englizi we francawy we 3araby we taree7' we seyana! we zera3a! we mosika we ektsad we handasa we gabr we tarbia watnia! we e7sa we .. we.. we ... we... el7amdolelah elmanhag mesh na2so 7aga, kamel men magame3o, bs howa fi mada bs wa7da na2sa bs heya msh daroreya awe fi Masr, el madda di esmaha "Eltafkeer" bs msh moshkela ya3ni magatshi 3ala madda.

We el3eyal to3od tezaker tezaker 3ashan tegeeb magmoo3 we fe3ln tegeeb elmagmoo3 3ashan te7'osh koleya men koleyat elkemma, we fi menhom by7'osh we fi menhom msh by7'osh, bs el7amdolelah rabena msh byrda bel zolm abadan, 3ashan keda eletneen bytla3o 7meer!

Ya emma yed7'olo American we ya7'do el7agat eli kano bya7'doha fi KG2 we yetla3o 7meer bardo!

 ELmoshkela eltania enohom bytla3o bykraho 7aga esmaha kotob we yeb2o msh mottal3een we msh fahmeen eh elli by7sal fel donia... we heya di Masr ya habla!

23

Elnahrda 19/1/2010 ya3ni ana ba2a 3andi 23 sana.
Etl3mt 7aga mohema fi elsana di, et3lmt en deel elkalb 3omro ma7ayet3dl. We 3rft kaman en elmoshkela msh fel deel, elmoshkela eno fel nehaya kalb!

Nesbna b2a men elkelab we el7ayawanat we netklm fi 3eed elmelad.
Mabda2yn keda ana regly ma2as 42 we fel bantalonat balbes 30, ama ba2a law 7abetto tegeboly kam T-shirt ana balbes Medium.

Men na7yet elagheza el kahrb2ya fa ana maleesh fel mobiles wel klam da, momken Hard External bs may2lsh 3n 1 Tera aw momken headphones bs tekoon bet3'aty el wedan kolaha.

Amma ba2a law 3ayzen te3'slooly el3arabia teb2o 3mlto feya 7'eer la7sn elmatara bahdel-tha 7'ales.

We belnesbal el Torta ba7ebaha tekoon 7'afeefa ya3ni balash 7agat el chocolate, bs b7b el caramel.

Msh 7ata2el 3aleko aktar men keda la7sn teftekroni men elno3 eltamma3.

No3 mo7'talef men el Influenza!

Gnoon el ba2ar, Influenza elteyoor, we Influenza el7'anazeer dol men elamrad eli 3amalt dagga kbeera fi Masr we el3alam.
Bs fi marad 7'ateer mawgood fi Masr, elmarad da esmo "El3'aba2"

We lel2asaf elmarad da maynf3sh ya7'dolo dawa aw 7ata yet3emello 3amalia, lazem elwa7ed ye3aleg nafso be nafso we di men as3ab el7agat.

Elmoshkela elakbar en elmarad da fi nas kteer by3tbrooh 7aga kewaysa, we bteb2a fa7'ora beeh gedan, te7es keda eno bydlhom prestige. Ya3ni msln tegy teshra7 lewa7ed 7aga ye2olak "Eh yaba dah! eh elklam elkbeer da, fakes ya 3m!", we tegy tetna2esh m3 wa7da fi 7aga te2olak "Yooh! howa ana lesa 7afakar". We 7'od 3andak menda kteer...

3'er keda 3a2l elshabab (we ana wa7ed menhom) mash3'ool be 7agat malhash ay lazma we da mawdoo3 7atklm 3ano ba3deen, bs elfekra el3eeb 3ala meen?!
El3eeb fena walla fi ahalena?! ahalena mash3'olen we e7na msh 3arfeen, aw 3arfeen we 3mleen 3obt, we neloom ay 7ad aw 7atta nloom 3ala elzaman eli e7na 3ayeshen fi we ne2ool "e7na elli nasebna keda" we howa da el3'aba2

3a2elat bs (Couples)

 Takmelet mawdoo3 E7na nroo7 Citystars

We allak eh b2a? ahh, 3a2elat bs.

Mashy... law eftaradna en fi 3ela 3obar 3an ( Baba, Mama, Ebn1, Bent1, Ebn2, Bent2)

Ta3alo nshoof gamee3 ele7temalat en 2 men el3a2ela di yroo7 CityStars:

• Baba, Mama
• Baba, Ebn1
• Baba, Ebn2
• Baba, Bent1
• Baba, Bent2
• Mama, Ebn1
• Mama, Ebn2
• Mama, Bent1
• Mama, Bent2
• Ebn1, Bent1
• Ebn1, Bent2
• Ebn2, Bent1
• Bent1, Ebn2
• Ebn2,  Ebn1

Zay manto shayfeen fi e7temalat mashtoob 3aleha, homma sa7ee7 yo3tabaro men el3eela, bs mafhomshi banat.
Maho 3a2elat delwa2ti ya3ni lazem yekoon fi bent.
Ya3ni ana law ro7t m3 wa7da sa7bety msh 7ankoon 3a2elat wala 7aga, bs akeed 7an7'osh ya3ni.

Tab may2olo lazem yekon fi bent ya3ni. Walla 7'ayfeen yegra7o e7sasna.
Fi mal7oza bardo: El3arab yo3tabro 3a2elat 7atta law mfeesh bent.

Ana ba2a ektashaft 7aga te7'ali welad bs yed7'olo CityStars fi ayam el 3a2elat,
Law rakant el 3arabia fel Parking yeb2a enta we a7'ook 3a2elat, we 7atta law msh a7'ook, manta raken fel Parking ba2a we ma7adesh addak.

Nehayto.. eb2o erkeno fel Parking

Melody Wel Masskhara

Rabena ye7'alelna Melody ya rab! Eh ya e7'waty da! eh elmozaz di.
Eh elmas7'ara we elet eladab di! Ana otaleb beta3'yeer esm kanat Melody le Playboy El3arab.

E7na masad2na 7'elsna men Booby we Elbaloona elte7'eena eli kan bytla3 ma3aha, te2omo gaybenlena Madam/Anesa "Rasha". Ana 3aref en el3lanat lazeeza we kol 7aga, bs ba2a fi 7dood.

We kollo koom we elvideo clips koom tany, delwa2ty mashyeen 3ala mabda2 e2la3 we er2os 3ala ra2ey Dr. Ibrahim Elfeky law bent te2la3 we tor2os, we law walad yegeeb banat ye2la3o we yer2oso. Howa eh 7ekayet elhodoom!

Howa eh 3elaket elal3 be el3'ona ya3ni! 3amleen zay film Elnazer "Ana modares taree7' we modares farancawy 3o2bal maygebo modares farancawy"

Kefaya Ba2a Araftona!

ArarSandod

Msh kol elnas 7atkoon 3arfa ArArSandod fa olt addi nabza 3anno.

Ma howa ArArSandod?
ArArSandod howa 7aywan nasha2 wa tara3ra3 fi e7da bakabordat El-askandereya. We m3 el tatawor el tabe3y le e7teyagat el bee2a ba2a shaklo 3amel zay elbane2admeen belzabt, we ektasab kteer men sefat elensan.

Leh yabni keda? ya3ni law 3ayez tefda7 nafsak enta 7or. Bs Sandod di zambaha eh? di yabni bent! leeh temarmat-ha m3ak keda, howa da el7ob belnesbalak. We meen Hany da? ana a3dt afakar keda eh e7temalat e3gab wa7ed beek matel3sh 3'er e7tmaleen bs:
1. Hany ensan atrash we a3ma
2. Hany sha7'seya 7'ayaleya

Tab balash Hany, meen Tant Treza di kaman?! matersem ba2a shagaret el 3eela we tegeeb men ela7'er.
 La2 we elmohem kman enak betrod 3ala elvideohat eli et3mlt 3aleek. 3ayez te7eb fi sa7betak 7eb fiha b3eed 3anena e7na msh na2seen amsalak.

Nasheed Arar el watany:

"Ana ArAr 7ayawan zabal
Dammy te2eel we yehez gebal
Msh 7askot mahma yet2al
Karamty momken tetshal
We a7ot badalha 3ood kabreet
Dana ArAr abo soot radee2
We kol so7aby alo ya fakek
Bel ra7a 3alia dana lessa 3abeet"

  Argook er7amna!

Sewa2et Elsetat (Elgoz2 Elawal)

"Kolena Laha" Elgomla di oltaha le sa7by 3mr ama la2eto gai arfan elsho3'l, la2eno elsetat nakedo we howa fi tare2o le elsho3'l, 3mr saken fel haram we elsho3'l fi madenet nasr.
3mr asarr eno yekteb elmawdoo3 be nafso, tab3an, 3ayez yetala3 el sho7na eli gowah.

"Ana baba 3almny 7aga we ana so3'ayar mamshesh wra wa7da set abadan we ana fe al 3rabya mkontesh fahem leh 
bs b3d ma kbert 3reft al setat 3andohom bo3d n2es y3ny ah al klam dah

fe al handasa at3alemna ano kol 7aga leha 3 ab3ad  altool we al 3ard we alartefa3 we aly byt7akem fe dah kolo asmo al bo3d al rab3 aly hoa al " Time " 

Bs al moshkela 3nd al setat anohom by5taro 7agten bs mn al arba3 ab3ad 

- Y3ny masalan tl2eha 7afza tool al 3rabya ( bo3d al2wel )
- we modreka aly by7sal 7waleha ( albo3d al rab3 )
- we 3ard al 3rabya ( albo3d al tany )
- we artfa3ha ( al bo3d al talet )

fa ta5ayal lma ta5od 7agteen bs mn al arba3 7agat

Ya rab ar7mna mn sew2ethom  " Ehda2 men 3mr Ramadan
we nekamel ba3deen ISA

3amalt eh fel New Year?

New Year.. elnas fakraha sana gdeeda bs kol elli by7sal enak btekteb 2010 badal 2009, bs 3adatan elnas ma betsada2 tela2i 7aga we te7tefel beha, ya3ni men el a7'er elnas betzeet.

Mafeesh tare2a wa7da elshabab bte7tefel beha, laken kol wa7ed beykoon leeh meyolo el7'as, ya3ni fi nas bet7eb te2adeeh fel beet bs elnas di olayela awe we mo3zamhom mabykonshi m3ah felos ye3ml 7aga. We fi nas bte7tefel barra elbeet we elnas betroo7:

1. Tescore (ya3ni teshtery mo7'adarat)
2. Teshtery mayya (7'amra ya3ni)
3. Tesh2ot (Elsha2t howa 3amaleyt elba7s 3an ba2e3at al hawa) aw tgeeb sa7bet-ha
4. Ya2emma yero7o Club ya 2emma yero7o 7afla
5. Byo3odo yetnatato (yer2oso ya3ni)
   
6. Bydo7'o
7. Byraga3o
   
8. By2avwaro (Elavwara heya 3amalyt fsl elensan men ellla wa3ey ela elwa3ey)
9. Bysada3o
10. Byrawa7o

Ya far7ety be shabab Masr!

E7na nroo7 CityStaR

High-Class

Kareem: E7na nroo7 CityStars
Magdy: CityStars bayya2 awe, we ba2a malyan manazer msh lateefa 7'ales
Kareem: Mate2la2sh, e7na ne7'osh el cinema bta3t el VIP, elmanazer bteb2a ma32ola
Magdy: Yalla bena

Mid-Class

Ali: E7na nroo7 CityStars
Samy: CityStars 7aykoon za7ma awe, we msh talba 7'an2a
Ali: Ya 3m e7na nroo7 no3od fi ay cafe we malnash da3wa bel nas
Samy: Yalla bena

Low-Class

Sayed: E7na nroo7 CityStarr
Gom3a: Da b3eed awe, we kaman 7anroo7 ne3ml eh henak?
Sayed: Ya 3m nroo7 netmasha, da henak elmozaz wel wazaweez zay el roz
Gom3a: Yalla bena

MicroPus

Wana merawa7 kol yom ba3addi 3ala taree2 elnasr (Autostrad) 3ashan ad7'ol share3 elnozha. Bs bala2i nas kteeeeeeeeeeer wa2feen kolohom fel share3 ( we msh 3ala elraseef  ) men na7yet medan elsa3a keda, el nas di te7es enaha goz2 men elshare3 msh btet7arak mahma 7asal we tab3an el 3arbeyat msh bt3raf temshi menhom bs toz ya3ni fi ba2eet el 3arabyat el mohem ana a3raf atafadahom we arawa7. Kan ma3aya zmeel fel sho3'l kan saken b3eeeeeeeeeed, we kan byrkab yeegi 3 microPusat fel elyom, fa olt as2alo leh elnas di beto2af fel share3 we msh 3ala el raseef  fa 7asal el 7ewar kal2aty:
" Enta faker elmawdo3 sahl, ah tab3an manta m3ak 3arbia we 5 da2aye2 we betkoon fel beet, laken ana BA7AREB 3ashan arawa7"
Oltelo bet7areb ezzay ya3ni we lessa makmltsh kelmt ya3ni we la2eto by2ool:
"Elnas elkteera eli bet2ool 3aleeha di yo3tabaro monafseen le ba3dehom, kol wa7ed 3ayez yewsal lel 3arabia (asdo tab3an el microPus) fa lazem kol wa7ed yo2af fi makan Strategy we mayt7'alash 3anno mahma yekoon, we ba3deen awel matshoof el 3arabia gaya, te7awel tatawaka3 be 7'ebretak heya 7ato2af feen.
Ba3deen te2oom metshahed 3ala ro7ak we tale3 tegry 3ala elbab aw elshebak 3ala 7assab elli 7atla2eeh forseto a7sn lel wosool"
Tab3an ana ma3ndeesh dam we a3ed ad7ak 3ala manzaro we howa metnarvez, fa oltelo el mohem ennak betd7'l gowa el microPus we 7'alas., Fa rad 3alia we alli:
"Da 3'eer el oggra ba2eet be Gneeh we Bareza, we tab3an elsawa2 m3oosh fakka, tab ageblo fakka ana mneen howa fakerny 3m dahab! di 7aga te2ref"
We men sa3et-ha kol mana merwa7 we ashoof elnas wa2fa fi nos elshare3 afteker kalam zmeely we a3od ad7ak!

3eesh 3eshet ahlak

Wana so3'ayar kont basafer Italia, makontsh bafham 7aga men kalam elnas, we da tab3an shee2 tabe3y 3ashan homa bytklmo italy, we ana a7'ry a3ed men 1 le 10. A3raf wa7da kan 3ayesh fi eldenmark bytklmo henak denmarky. Law rabena raza2ak we safert Almania we etklmt henak englizi msh 7ayrodo 3alek.

Yeb2a keda nastafeed en kol dawla fel 3alam betetkalem be el lo3'a bta3t-ha. Bs elwad3 mo7'talef fi gomhoreyet masr el3arabia, elnas el bent nas btetklm englizi we elnas elbent msh nas bet7awel tetklm englizi.
Amoot we a3rf leeh! mayetklmo 3araby ya3ni! tela2i wa7ed by2olak " I'll be there in 15 minutes, eshta?" da mabda2eyan geddo kan beymshi 7afy fel share3, we teegy wa7da te2olak " 7ashoof we a2olak, you know.. I need sometime to think about it" di ba2a aboha mat fi America 3shan ma3rfsh ye2ool " I am hungry" 7aga teshel!
Ya gama3a yalli betetklmo englizi, kalamko da msh bydol 3ala enoko welad nas wala 7'aregeen madares kewaysa, wala mostwakom elegtma3i keways. 3esho 3eshet ahloko!

Bencil!

"B te2eela walla B 7'afeefa", "Anhy wa7da? om 3asaya le foo2 wala 3asaya le ta7t?", "B for Ben"

We 7'od 3andak menda kteer, 3ala fekra da marad 3and 89.56% men elsha3b elmasry, bs lel2asaf maloosh 3elag. Bs 3adi el moshkela di msh betday2ni awe, fi moshkela tania heya elli betshelleni, eni bala2i nas bte3raf te2ool "P" we bte3raf te2ool "B" bs bte3keshom.. zay masalan " Pritish, Pook, Blease, Parcelona, Blaystation"
Elnas di ba2a bakoon 3ayez adeha be dahr eedi 3ala weshaha, ya3ni el nas eltania mbt3rfsh te2ool "P" 3ashan msln m3andenash 7aga makanha fel 3araby fa mablo3a shewia, bs dol 7egget-hom eh ya3ni?!
We elmoshkela di etwarat le3'ayet ama enas mab2tshi bs bte3kshom fel not2 .. la2 di ba2et tektebhom kman, ya3ni momken akoon b3mel chatting m3 wa7ed we ala2eeh msln by2olli "Shakl sa7bety 3amaletli Plock" we tela2i msln wa7ed tani katebli "Lazem ashofak orayeb pegad enta wa7shni gedan" dah tab3an ba2oom 3amello Plock zay ma sa7bet sa7by 3amlet 3ashan msh b7b 7ad ye3weg lesano we da mawdoo3 7ab2a atklm fih ba3den.
UPDATE: Mawdo3 3awg el lesan gahez Click Here

Enta 7'areeg Computer Science?

"Enta 7'areeg eh?" elso2al da batse2lo kteer, we barod bekol basata: "Business Technology.., 7aga 3amla zay Computer Science "
Ana ba2ool keda 3ashan el magal da msh m3roof awe fi masr bs msh di elmoshkela. Elmoshkela en ba3d ma bagaweb 3ala el so2al da batse2el so2al tani, aw bema3ana asa7 as2ela tania: "Ana 3andi el net batee2m, a3mel eh?", "El-Windows msh byfta7!", "Elgehaz byhaneg kteer, asala7o ezzay?" wa ela7' ela7'...
Elmawdo3 da msh b7sal m3ia bs, la2 da m3 ay7ad 7'areeg ay 7aga fiha kelmet Computer. We lel2asaf bakon mottar eni arod 3ala elas2ela di, bs eli mo2sef aktar law m3rftsh a7el el moshkela la2eni bakoon fi nazaro 7omar we byt2alli " Omal bs 3amal te2oli computer we ma3lomat!".
Bs 3ady ya gama3a maho law wa7ed 7'areeg teb msh 7aykoon 3aref 3elag kol elamrad eli fel donia ya3ni, walla 7atta kol elmohandseen by3rafo yebno kabary.. maho fi 7aga esmaha ta7'asosat bardo! welli ana mesta3'rablo en btoo3 Computer Science bs homma eli bytse2lo m3rfsh leeh!, ya3ni ana 3omri mashoft wa7ed aal le wa7ed tani eno 7'areeg adab englizi we etsa2al ya3ni eh kelmet scarcity msln.